Undanúrslit Evrópumótsins fara af stað í kvöld þegar tvær sigursælar stórþjóðir mætast í hörkuslag.
Spánverjar spilar þar við Frakka á Allianz Arena, heimavelli FC Bayern, í München og verður Slóveninn Slavko Vincic á dómaraflautunni.
Spánn hefur spilað afar sannfærandi mót hingað til og leikið skemmtilegan sóknarbolta, á meðan Frakkar hafa einbeitt sér meira að traustum varnarleik þar sem þeir geta reitt sig á mögnuð einstaklingsgæði til að skila inn mikilvægum mörkum í sóknarleiknum.
Varnarmennirnir Dani Carvajal og Robin Le Normand verða ekki með Spánverjum í kvöld vegna leikbanns og þá er Pedri meiddur á hné.
Frakkar eru meiðslalausir og hafa ekki fengið nema eitt mark á sig allt mótið.
Spánn lagði Georgíu og Þýskaland að velli í útsláttarkeppninni á meðan Frakkar hafa þurft að fara í gegnum Belgíu og Portúgal á leið sinni í undanúrslitin.
EM er sýnt í beinni útsendingu á RÚV.
Leikur kvöldsins:
19:00 Spánn - Frakkland
Athugasemdir