Heimild: mbl.is
Guðni fær sér kaffisopa.
Í morgun var fjallað um að þreifingar hafi átt sér stað varðandi mögulegar æfingaferðir enskra félaga til Íslands áður en enska úrvalsdeildin kemst aftur af stað.
Guðni Bergsson, formaður KSÍ, telur ólíklegt að af þessu verði.
Guðni Bergsson, formaður KSÍ, telur ólíklegt að af þessu verði.
„Ég veit svo sem ekki hvort einhver félög hafi hug á því að koma hingað og æfa. Ég get í raun ekki sagt að það sé í einhverri bígerð og maður sér ýmsa annmarka á því. Það veltur á mörgu, meðal annars ástandi í viðkomandi löndum og sóttkvíarúrræðum líka. Það þarf ýmislegt að gerast til þess að þetta verði að veruleika og eins og staðan er núna þá tel ég það frekar ólíklegt að af þessu verði," segir Guðni í samtali við mbl.is.
„Vissulega yrði áhugavert að fá þessi lið hingað til lands en þetta eru ekkert meira en vangaveltur eins og staðan er í dag. Aðildarfélögin hér á landi þyrftu líka að koma að þessu á einhvern hátt og gefa eftir sína aðstöðu. Við þyrftum líka að skoða öll sóttvarnaúrræði þannig að það er að mörgu að huga ef þetta færi eitthvað lengra."
Athugasemdir
