„Þetta datt svolítið fyrir okkur í fyrri hálfleik. Þetta var bardagi. Við náum þessum tveimur mörkum og það gaf okkur sjálfstraust. Við þurftum það svolítið í dag," sagði Sveinn Óli fyrirliði Magna eftir sigur á Þrótti á Grenivíkurvelli í dag.

Lestu um leikinn: Magni 3 -  1 Þróttur R.

„Við vissum að þeir væru að koma úr erfiðu prógrammi ekki búnir að vinna leik lengi. Við ætluðum svolítið að þjarma að þeim og það gekk."

Lið Magna féll niður í síðari hálfleik og Þróttur pressaði þá og uppskáru mark á 89 mínútu.

„Þetta gerist einhvern veginn alltaf. Við dettum aðeins niður og þeir fá mómentið með sér. Hjartað sló aðeins hraðar í 2-1 en það var mjög gott að skora þriðja markið og afgreiða þetta."

Magna hefur gengið vel á seinni hluta tímabilsins og náð í 9 stig úr síðustu 5 leikjum.

„Það koma ferskir vindar inn í þetta. Við ákveðum að taka okkur taki sjálfir. VIð ætluðum alltaf að gera betur, það var svolítið þungt yfir okkur. Við náum fyrsta sigri snemma með nýjum þjálfara og þetta spinnst einhvern veginn saman."

Síðasti leikur Magna er á móti Þór. Fyrir þann leik er Magni í 10 sæti með 22 stig.

„Þetta hafa verið mjög skemmtilegir leikir hjá Þór og Magna hingað til þannig að ég er bara spenntur að fá að taka þátt í því. Við ætlum að halda okkur uppi, það er ekki spurning."

VIðtalið má sjá í heild sinni hér að ofan.

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit