Það voru tveir Íslendingar sem komu við sögu í leikjum dagsins í Svíþjóð.
Kolbeinn Þórðarson kom inn í seinni hálfleik og hjálpaði Göteborg að sigra á útivelli gegn BK Häcken.
Göteborg er á flottu skriði og situr í fjórða sæti efstu deildar í Svíþjóð eftir þennan sigur, aðeins tveimur stigum á eftir AIK sem er í síðasta Evrópusætinu þegar sjö umferðir eru eftir af deildartímabilinu.
AIK lagði Brommapojkarna að velli í dag með tveimur mörkum gegn einu. Hlynur Freyr Karlsson var ónotaður varamaður í liði Brommapojkarna, sem er í neðri hluta deildarinnar fimm stigum fyrir ofan fallsvæðið.
Í kvennaboltanum kom Sigdís Eva Bárðardóttir við sögu í 2-0 sigri Norrköping gegn Djurgården. Norrköping er í efri hluta deildarinnar, níu stigum frá Evrópusæti.
Þetta var flottur sigur þar sem andstæðingar dagsins í liði Djurgården eru sex stigum fyrir ofan Norrköping á stöðutöflunni.
Hacken 1 - 2 Göteborg
AIK 2 - 1 Brommapojkarna
Norrköping 2 - 0 Djurgarden
Athugasemdir
