Allegri orðaður við Man Utd - Modric að framlengja við Real Madrid
banner
   þri 16. apríl 2024 09:58
Innkastið
Sjáðu markið sem var ranglega tekið af Fram - „Dæmir á eitthvað sem hann getur ekki hafa séð“
Alex heldur um andlitið eftir að markið var tekið af honum.
Alex heldur um andlitið eftir að markið var tekið af honum.
Mynd: Fótbolti.net - Hafliði Breiðfjörð
Í Innkastinu voru menn sammála um að Jóhann Ingi Jónsson dómari hafi ekki átt góðan leik í 0-1 tapi Fram gegn Víkingi.

Stærstu mistökin gerði hann í fyrri hálfleik þegar Fram taldi sig hafa náð forystunni. Alex Freyr Elísson skoraði en Jóhann dæmdi ranglega á hann hendi.

Lestu um leikinn: Fram 0 -  1 Víkingur R.

„Það er nokkuð greinilegt að boltinn fer ekki í hendina. Þar af leiðandi er hann að dæma á eitthvað sem hann getur ekki hafa séð. Hann virðist vera að dæma á einhverjum líkum," segir Valur Gunnarsson. „Víkingarnir voru ekki að biðja um neitt. Þetta er stórt atvik."

Alex tjáði sig um dóminn í viðtali við Fótbolta.net í gær.

„Ég skoraði löglegt mark með lærinu og mér finnst ótrúlegt hvernig hann heldur að þetta hafi farið í höndina á mér, þetta er bara sorglegt. Þetta er móment sem er tekið af mér og það er bara eins og það er. Ég er ógeðslega svekktur. Hann mun sjá þetta í kvöld og kannski sendir hann mér skilaboð. Ég fékk engin svör inni á vellinum, bara að ég ætti að þegja," sagði Alex.

Atvikið var sýnt í Stúkunni á Stöð 2 Sport í gær og hér að neðan má sjá umfjöllunina um það.


Alex Freyr ósáttur: Þetta er bara sorglegt
Innkastið - Víkingur vinnur leiki sem Valur vinnur ekki
Athugasemdir
banner
banner
banner
banner