Heimamenn í Sheffield misstu Mason Holgate af velli með beint rautt spjald snemma leiks og réðu ekki við fullskipað lið gestanna.

„Við erum mjög ánægðir með sigurinn en þetta rauða spjald breytti leiknum. Þetta hefði verið mikið erfiðari leikur ef þeir hefðu ekki misst mann af velli, við hefðum líka viljað sigra 11 gegn 11," sagði De Zerbi. „Ég get ekki sagt hvort þetta hafi verið rétt ákvörðun að reka hann af velli vegna þess að ég hef ekki séð endursýningu, en það er ekki í mínum verkahring.

„Það var mikið auðveldara fyrir okkur að sækja án þess að opna vörnina útaf því að við vorum manni fleiri. Það var erfiðara fyrir þá að beita skyndisóknunum sínum verandi einum færri."

Þrátt fyrir góða frammistöðu segir De Zerbi enn vera margt í leik Brighton sem þarf að laga.

„Við þurfum að einbeita okkur meira að stuttum, öruggum sendingum og að hafa marga leikmenn nálægt boltanum. Við erum ekki nógu góðir í að bregðast fljótt við þegar við töpum boltanum til að stöðva mögulegar skyndisóknir."