KR fékk Molde í heimsókn í seinni leik liðana í undankeppni Evrópudeildarinnar í kvöld eftir að hafa tapað fyrri leiknum í Noregi 7-1. Leikurinn i kvöld var tíðindalítill og endaði með markalausu jafntefli og KR er því dottið úr Evrópu þetta árið.
Pálmi Rafn Pálmason leikmaður KR sagði að þeir hafi ætlað sér að sýna í kvöld að þeir séu betri en það sem þeir sýndu í fyrri leiknum og sagði að leikurinn í kvöld hefði verið mjög lokaður og ekki mikið fyrir augað.
Pálmi Rafn Pálmason leikmaður KR sagði að þeir hafi ætlað sér að sýna í kvöld að þeir séu betri en það sem þeir sýndu í fyrri leiknum og sagði að leikurinn í kvöld hefði verið mjög lokaður og ekki mikið fyrir augað.
Lestu um leikinn: KR 0 - 0 Molde
„Þetta var kannski ekki alveg opnasta leikurinn sem hefur verið spilaður hérna eða bara almennt. Eftir afhroðið i Noregi ætluðum við að sýna aðeins úr hverju við værum gerðir, ætluðum nú að reyna að vinna þetta en 0-0 er töluvert skárra en 7-1. Þetta var ekki mikið fyrir augað og 0-0 er kannski lýsandi fyrir hann."
Pálmi spilaði í mörg ár úti í Noregi og segir að það sé klárlega getumunur á milli deildana þótt 7-1 sé ekki alveg réttur getumunur.
„Þetta er orðin svo þreytt umræða að við séum eitthvað betri en Norðmennirnir, það er hærra level þarna, kannski ekki 7-1 munurinn en það er eðlilega getumunur. Þeir eru að vinna með allt aðrar upphæðir fjárhagslega en við. Við erum alltaf að brúa bilið en eins og ég segi þá er fyrri leikurinn ekki alveg sá munur sem er í raun og veru.">
Athugasemdir