Sigurður Ragnar Eyjólfsson
„Þetta var gríðarlega sætt og mér fannst við vinna vel fyrir þessu. Auðvitað fékk FH sín færi og Sindri Kristinn hélt okkur vel inni í þeim færum en ég var virkilega ánægður með strákana. “
Sagði Sigurður Ragnar Eyjólfsson þjálfari Keflavíkur um tilfinninguna eftir 2-1 sigur Keflavíkur á FH í Keflavík fyrr í dag.
Sagði Sigurður Ragnar Eyjólfsson þjálfari Keflavíkur um tilfinninguna eftir 2-1 sigur Keflavíkur á FH í Keflavík fyrr í dag.
Lestu um leikinn: Keflavík 2 - 1 FH
Eftir hæga byrjun mótinu er vel að merkja kominn ögn betri taktur í leik Keflavíkur og leikur liðsins heldur að slípast til frá því sem var í upphafi móts. Um þróun liðsins sagði Sigurður.
„Við höfum verið að spila okkur vel saman í undanförnum fjórum fimm leikjum og ég held að þetta sé fimmti leikurinn í röð þar sem ég er ánægður með frammistöðuna, ekki alltaf með úrslitin en núna fengum við þetta allt saman, frammistöðu og úrslitin og vonandi byggjum við ofan á það í næstu leikjum.“
Framundan er bikarleikur í Keflavík þar sem andstæðingurinn er ekki sóttur langt en nágrannar Keflavíkur í Njarðvík koma í heimsókn á HS-Orkuvöllinn á mIðvikudaginn kemur.
„Ég er gríðarlega spenntur. Það verður gaman að mæta þeim og hörkuleikur pottþétt. Vonandi fjölmennir fólk af Suðurnesjum á völlinn. það ætti að vera fótboltaveisla og við hlökkum mikið til að mæta þeim en það verður erfiður leikur samt.“
Sagði Siggi en allt viðtalið má sjá hér að ofan.
Athugasemdir
