Viðar Jónsson var stoltur af sínum mönnum eftir leikinn gegn Gróttu í Mjólkurbikarnum fyrr í kvöld en Höttur/Huginn tapaði 3-0 á Seltjarnarnesinu.
Lestu um leikinn: Grótta 3 - 0 Höttur/Huginn
„Við vissum að það er alltaf séns þegar þú mætir inn á fótboltavöll að þá eru 11 á móti 11 og leikplanið skein í gegn hjá okkur, við bara náðum ekki að halda markinu hreinu nógu lengi en við héldum áfram að berjast, með smá heppni hefðum við kannski getað jafnað leikinn.''
Hver er stefna Hattar/Hugins í 3. deildinni í sumar?
„Stefnan er og hefur verið að reyna að hífa okkur upp, við erum 3. deildar lið en mér finnst Höttur/Huginn ekki eiga að vera 3. deildar lið. Það getur tekið tíma að koma sér upp og menn verða að vera þolinmóðir.''
Verða breytingar á leikmannahópnum fyrir gluggalok?
„Já við vorum aðeins að opna augun, Steinar Aron meiddist á Sauðárkróki um daginn og það lítur ekki vel út en það er ekkert ákveðið.''
Viðtalið í heild sinni má sjá í spilaranum hér að ofan en þar talar Viðar betur um stefnu félagsins, toppbaráttuna í 3. deild og leikinn gegn Tindastól í síðustu umferð.
Athugasemdir
