Brynjar Ásgeir Guðmundsson, þjálfari ÍH, var að sjálfsögðu ekki sáttur eftir 0-8 tap gegn Fylki í 32-liða úrslitum Mjólkurbikarsins.
„Bara fullstórt tap að mínu mati. Mér fannst dómarinn gefa þeim fullmikla virðingu í fyrri hálfleik. Hann gaf þeim tvö víti og var ekkert að hjálpa okkur mikið.“
„Bara fullstórt tap að mínu mati. Mér fannst dómarinn gefa þeim fullmikla virðingu í fyrri hálfleik. Hann gaf þeim tvö víti og var ekkert að hjálpa okkur mikið.“
Lestu um leikinn: ÍH 0 - 8 Fylkir
Hvernig lögðu þeir leikinn upp? „Við ætluðum að halda skipulagi sem gekk í einhverjar 20 mínútur. Svo um leið og þeir skora fyrsta markið brotnum við aðeins og fáum fimm mörk í viðbót á okkur í fyrra hálfleik. Það er kannski það eina sem ég er fúll með; að menn hafi ekki haldið haus aðeins lengur.“
Aðspurður út í sumarið svaraði Brynjar: „Ég ætla rétt að vona að við getum tekið stemninguna sem myndaðist hérna í kvöld. Það var fullt af fólki mætt. Við erum í hörkuriðli og ætlum klárlega upp úr þessari deild svo við þurfmu að nota þetta til að peppa mannskapinn í sumar.“
Þetta var í fyrsta sinn sem Brynjar tapar á heimavelli gegn Fylki. „Það er hræðileg tilfinning. Það er ekki góð tilfinning að hafa klúðrað því en vonandi mætum við þeim aftur og getum þá gert eitthvað betur.“
Athugasemdir