„Ég er gríðarlega ánægður með það hvernig við tókum á þessum leik, mér fannst við spila á mörgum köflum mjög vel og skora tvö góð mörk en það var pressa á Örnu Sif í einu marki allavega," sagði Pétur Pétursson þjálfari Vals eftir 3-1 sigur liðsins á útivelli gegn Þór/KA.
Lestu um leikinn: Þór/KA 1 - 3 Valur
„Það hefur alltaf verið mjög erfitt að koma hingað til Akureyrar og vinna Þór/KA en við vissum það fyrirfram og við þyrftum að taka þennan leik af mikilli alvöru og við gerðum það líka."
Hvað varstu ánægðastur með í spilamennsku liðsins?
„Mér fannst margir spilkaflar mjög góðir og við vorum rólegar á boltanum og fínar hreyfingar inná vellinum og góð mörk þannig að mér fannst þetta bara góður leikur hjá okkur."
Breiðablik vann einnig í dag og er tveggja hesta kapphlaupið á toppnum því svakaleg áfram.
„Það er bara næsti leikur. Þó að við og Breiðablik séum að slíta okkur í sundur þá eru þetta allt erfiðir leikir. Það er Fylkir næst á miðvikudaginn og það verður bara sama og venjulega, taka þetta alvarlega og spila okkar leik."
Athugasemdir
