Mynd: Getty Images

Origi skoraði flott mark.

Mynd: EPA

Ótrúlegum sjö marka leik var að ljúka á San Siro vellinum rétt í þessu en fyrsta viðureign dagsins í Serie A deildinni var leikur AC Milan og Sassuolo.

Ítalíumeistararnir eru í miklu brasi en liðið hefur byrjað árið ömurlega. Þrjú töp og tvö jafntefli staðreynd fyrir leikinn í dag en síðasti sigurleikur Sassuolo kom um miðjan október mánuð í fyrra.

Gestirnir fóru gjörsamlega hamförum gegn lánlausu liði Ítalíumeistarana en AC Milan fékk á sig fjögur mörk gegn Lazio í síðustu umferð. Í dag urðu þau hins vegar fimm.

Gregoire Defrel, Davide Frattesi og Domenico Berardi gerðu mörk Sassuolo í fyrri hálfleiknum en Oliver Giroud skallaði inn eitt mark fyrir AC Milan í millitíðinni.

Tvö mörk frá Armand Lauriente og Matheus Henrique gengu frá heimamönnum í síðari hálfleiknum en Milan skoraði tvö mörk sem voru dæmd af með hjálp VAR vegna rangstöðu.

Divock Origi kom inn á og skoraði stórglæsilegt sárabótarmark fyrir AC en hann þrumaði knettinum í slánna og inn með skoti fyrir utan teig.

AC Milan er í fjórða sæti deildarinnar með 38 stig en Sassuolo er í því sextánda með 20.