Óskar Hrafn Þorvaldsson, þjálfari Breiðabliks
Breiðablik fékk Fjölni í heimsókn á Kópavogsvöll í kvöld í 3. umferð Pepsí Max-deild karla. Breiðablik vann 3-1 sigur í fjörugum leik. Óskar Hrafn Þorvaldsson, þjálfari Breiðabliks var heilt yfir ánægður með spilamennskuna í leiknum.
„Mér fannst spilamennskan allt í lagi, ég hafði ekki mikinn smekk fyrir byrjuninni hvorki í fyrri né seinni hálfleik en svona heilt yfir þá fannst mér við töluvert betri aðilinn. Ég hefði viljað sjá okkur aðeins grimmari fyrir framan markið."
„Mér fannst spilamennskan allt í lagi, ég hafði ekki mikinn smekk fyrir byrjuninni hvorki í fyrri né seinni hálfleik en svona heilt yfir þá fannst mér við töluvert betri aðilinn. Ég hefði viljað sjá okkur aðeins grimmari fyrir framan markið."
Lestu um leikinn: Breiðablik 3 - 1 Fjölnir
Gísli Eyjólfsson og Kristinn Steindórsson skoruðu báðir í kvöld og er Óskar gríðarlega ánægður með þeirra byrjun á tímabilinu.
„Gísli átti það svo innilega skilið, hann hefur verið frábær í fyrstu leikjunum en hefur ekki náð að skora þangað til núna. Þetta var fullkominn endir á kvöldinu. Ég held að það viti það allir að Kiddi er góður upp við markið og er frábær leikur. Ég held að honum líði vel hjá okkur og það skilar sér inn á vellinum."
„Þetta er sennilega bara eins gott að það getur orðið og ekkert hægt að kvarta, en sagði ekki góður maður að staðan í deildinni er augnabliksmynd, hún gefur þér ekkert nema vissuna að hlutirnir séu allt í lagi. Það er alveg ljóst að við getum gert betur í öllum atriðum."
Sagði Óskar að lokum um góða byrjun Breiðabliks á þessu tímabili.
