Karólína Lea Vilhjálmsdóttir, leikmaður Bayern München, spjallaði við fréttamann Fótbolta.net á hóteli landsliðsins í Herzogenaurach í Þýskalandi í kvöld.
Landsliðið er þar í æfingabúðum fyrir Evrópumótið sem er framundan.
Landsliðið er þar í æfingabúðum fyrir Evrópumótið sem er framundan.
„Það er alltaf eins gaman og hægt er að fara í landsliðið með öllum þessum góðu vinkonum. Þetta er bara geggjað teymi finnst mér," segir Karólína.
Hún fékk nýtt hlutverk í æfingaleik gegn Póllandi á dögunum þar sem hún varð af miðsvæðinu - þar sem hún hefur spilað gríðarlega vel - og út á kant.
„Það var ryð í sömum leikmönnum og nokkrir leikmenn sem höfðu ekki spilað lengi. Það var venjulegt að fyrri hálfleikur hafi verið smá strembinn. Svo féll þetta með okkur í seinni hálfleik."
„Ég er alltaf glöð þegar ég er inn á. Það var langt síðan maður spilaði (fyrir leikinn á móti Póllandi), kannski smá ryð en maður reynir alltaf að hjálpa liðinu eins og maður getur. Þetta er klárlega öðruvísi hlutverk en ég tek því svo sem alveg. Ég hef spilað þessa stöðu áður. Þetta er ekki súrt, þetta er öðruvísi. Ég reyni að nýta mína krafta þar eins og ég geri á miðjunni."
„Ég tek öllum stöðum. Ég get verið í marki ef Steini setur mig þangað," sagði Karólína létt.
Allt viðtalið má sjá í spilaranum hér að ofan.
Athugasemdir