Andre Onana.
The Athletic segir frá því að Andre Onana, markvörður Manchester United, hafi beðið félagið um nýjan samning í sumar eftir að laun hans lækkuðu um 25 prósent í kjölfarið á því að United komst ekki í Meistaradeildina á síðasta leiktíð.
Onana er á þeirri skoðun að laun hans eigi að vera hærri og bað félagið um nýjan samning í sumar.
Þetta féll ekki vel í kramið hjá Rúben Amorim, stjóra Man Utd. Onana var hrikalega lélegur á síðasta tímabili og gerði oft á tíðum slæm mistök.
Í byrjun þessa tímabils hefur Altay Bayindir varið mark United en félagið keypti Belgann Senne Lammens á gluggadeginum í gær. Onana fékk að spila gegn Grimsby í deildabikarnum en var allt annað en sannfærandi í þeim leik.
United skellti 30 milljón punda verðmiða á Onana í sumar en ekkert félag beit á agnið.
Athugasemdir
