Fram og Afturelding áttust við í Safamýri í 3.umferð Lengjudeildar karla í kvöld og skoraði Albert Hafsteinsson eina mark leiksins á 56. mínútu.

Lestu um leikinn: Fram 1 -  0 Afturelding

Magnús Mar var svekktur eftir leikinn gegn Fram í kvöld

„Svekktur, við getum spilað betur en við gerðum í kvöld og strákarnir vita það sjálfir. Við vorum kannski aðeins betri í fyrri hálfleik en náum ekki að komast yfir þá, þetta var fannst mér leikur sem gat dottið báðu megin.Framararnir unnu í dag og gerðu það vel."

Magnús var spurður hvað hafi farið úrskeiðis í sóknarleik liðsins í kvöld.

„Bara of hægt spil, við getum spilað hraðar, vantaði að vera agresívari þegar við komumst inn á síðasta þriðjunginn, sækja meira á markið og mér fannst vanta vanta meiri trú í skotunum og fyrirgjöfunum og slíku, vorum ólíkir sjálfum okkur í dag sóknarlega á meðan varnarleikurinn var bara þokkalegur."

Afturelding fær Magna í heimsókn á þriðjudaginn næstkomandi á Fagverksvellinum að Varmá en bæði liðin eru stigalaus eftir fyrstu 3.umferðirnar og er um gríðarlega mikilvægan leik að ræða.

„Það er klárt mál. Fáum Magna heima á Þriðjudaginn, stutt í næsta leik sem er gott ég held að strákarnir vilji svara fyrir leikinn í dag og gera betur og við mætum klárir þar, það er 100% á okkar eigin heimavelli."

Viðtalið í heild má sjá í sjónvarpinu að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit