Miðvörðurinn skoraði í fyrstu tveimur leikjum sínum fyrir félagið og var með fast byrjunarliðssæti í tvo mánuði áður en hann datt úr liðinu.

Hann þótti alltof hægur og lélegur á boltanum fyrir Celtic og hefur núna ekki fengið að spila síðan í febrúar.

Duffy lenti í smávægilegum meiðslum á dögunum og hefur því ekki möguleika á að spila síðustu tvo leiki Celtic á deildartímabilinu.

Hann hefur því fengið leyfi til að halda heim til Brighton en ólíklegt er að hann fái að spila fyrir liðið undir stjórn Graham Potter.

Wayne Rooney, stjóri Derby County, hefur mikinn áhuga á Duffy sem á tvö ár eftir af samningi sínum við Brighton.