Fótbolti.net

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

Bjarni Guðjón: Það er gaman að vera Þórsari í dag

„Fullyrði að ekki nokkur leikmaður hefur bætt sig jafn mikið eftir þrítugt"

Rúnar: Þá tekur þú ekki besta leikmanninn í liðinu útaf

Hallgrímur Mar: Getum engum öðrum en sjálfum okkur um kennt

Heimir: Þeir voru að svæfa leikinn og komust upp með það

Jón Daði: Þarf að komast í burtu frá fótbolta og hreinsa hugan

þri 06. júní 2023 23:39

Sæbjörn Þór Þórbergsson Steinke

Ægir tekinn niður í viðtali: Sturluð tilfinning

Ægir fyrir miðju.

Mynd: Fótbolti.net - Hafliði Breiðfjörð

Verið að spila vel að undanförnu.

Mynd: Fótbolti.net - Hafliði Breiðfjörð

„Sturluð tilfinning, geggjað að vera kominn áfram. Alltaf gaman að skora, leikurinn var virkilega erfiður og við lögðum okkur alla í þetta í dag," sagði Ægir Jarl Jónasson, leikmaður KR, eftir sigur gegn Stjörnunni í 8-liða úrslitum Mjólkurbikarsins.

Ægir skoraði sigurmarkið í leiknum í framlengingunni. Hann gerði mjög vel eftir undirbúning frá Benoný Breka Andréssyni.

Lestu um leikinn: KR 2 - 1 Stjarnan

„Ég er búinn að skora núna og síðast gegn Stjörnunni, það er kannski ekki alveg alltaf, en það er gaman að skora, sama á móti hverjum það er. Það er ennþá betra að þetta eru sigurmörk. Ég get alveg skorað, ég veit það. Það sem skiptir máli er að við unnum leikinn og förum áfram."

„Ég fæ boltann rétt fyrir utan vítateig, er nálægt markinu, reyni að koma mér í skotið, kem boltanum á vinstri, hitt'ann ágætlega og hann liggur inni sem er bara geggjað. Ég er töluvert betri með hægri en ég get reddað mér með vinstri."

Ægi finnst KR á leið í rétta átt núna: „Allt að koma hjá okkur og mér líst vel á framhaldið."

Hann hefur komið að þremur mörkum í síðustu þremur leikjum. „Það er eitthvað sem ég býst við af sjálfum mér; að skora og leggja upp. Gott að það sé að tikka inn núna loksins. Það er bara tilviljun að þetta sé að detta núna. Þetta er bara að æfa vel, hugsa um sig og þetta kemur síðan bara allt á endanum held ég."

„Það verður hörku helvítis leikur og ég er bara mjög spenntur," sagði Ægir um að mæta Víkingi í undanúrslitum. Hér að neðan má sjá viðtal hans við RÚV eftir leik þar sem sést að Kristján Flóki Finnbogason tæklar hann í grasið í miðju viðtali.