Emil spilaði 30 mínútur í dag.
Emil Hallfreðsson kom inná sem varamaður þegar að íslenska landsliðið lagði lið Moldóvu af velli 3-0 í undankeppni Evrópumótsins í dag.
„Þetta gekk nokkuð vel miðað viðp hvernig við lögðum þetta upp. Við ætluðum að taka þrjú stig sem að tókst og ég held að við séum bara nokkuð sáttir." sagði Emil eftir leikinn.
„Þetta gekk nokkuð vel miðað viðp hvernig við lögðum þetta upp. Við ætluðum að taka þrjú stig sem að tókst og ég held að við séum bara nokkuð sáttir." sagði Emil eftir leikinn.
Lestu um leikinn: Ísland 3 - 0 Moldóva
Ísland hefur unnið fjóra af fyrstu fimm leikjum sínum í undankeppninni og komu sér á topp riðilsins með sigrinum í dag, að minnsta kosti tímabundið. Moldóva eru næst neðstir með þrjú stig.
„Við erum það reynslumikill hópur að við erum ekki að vanmeta andstæðinginn. Við berum virðingu fyrir öllum þeim sem að við spilum á móti og við vitum að ef við ætlum að vinna leiki þurfum við alltaf að gefa okkur 100%."
Emil Hallfreðsson er án félags þessa stundina eftir að hafa yfirgefið ítalska félagið Udinese. Hann segist ekki vera að hugsa um það þessa stundina.
„Ég ætla að einbeita mér fyrst 100% af þessu landsliðsverkefni og svo fer það bara vonandi fljótlega að skýrast eftir það." sagði Emil aðspurður um framhaldið hjá sér.
Nánar er rætt við Emil í spilaranum að ofan.
Athugasemdir
