„Ég er mjög sáttur. Það er alltaf jafngaman að vinna leiki með landsliðinu. Að vinna á heimavelli, skora þrjú mörk og halda hreinu - það verður ekki betra en það," sagði Hannes Þór Halldórsson, landsliðsmarkvörður, eftir sigurinn á Moldóvu í undankeppni EM 2020 í dag.
Lestu um leikinn: Ísland 3 - 0 Moldóva
„Við byrjuðum leikinn illa og þeir komu okkur á óvart fyrstu mínúturnar. Eftir fyrsta markið var þetta samt aldrei spurning."
„Það var smá hökt á okkur í byrjun og pínu værukærð, en við náðum að kveikja á okkur."
Það er búið að rigna mikið í dag, en þegar leikurinn hófst voru aðstæður eins og best er á kosið.
„Við bjuggumst við miklu verra. Það var nánast logn og engin rigning. Þetta var frábært," sagði Hannes, en Ingó Veðurguð tók nokkur lög fyrir leikinn.
„Hann hlýtur að hafa beðið um þetta. Við skulum gefa honum 'credit' fyrir þetta," sagði Hannes en viðtalið er hér að ofan í heild sinni.
Athugasemdir
