Kolbeinn fagnar marki sínu í dag.
Kolbeinn Sigþórsson var á skotskónum þegar að íslenska karlalandsliðið vann góðan 3-0 sigur gegn Moldóvu í undankeppni Evrópumótsins 2020. Var þetta fyrsta mark Kolbeins í mótsleik í þrjú ár með landsliðinu.
„Ég er búinn að bíða lengi eftir þessu, líka að byrja leik með liðinu í undankeppni. Það er bara æðislegt og gerir mikið fyrir mig. Það var gott fyrir liðið að ná fyrsta markinu." sagði Kolbeinn eftir leik.
„Ég er búinn að bíða lengi eftir þessu, líka að byrja leik með liðinu í undankeppni. Það er bara æðislegt og gerir mikið fyrir mig. Það var gott fyrir liðið að ná fyrsta markinu." sagði Kolbeinn eftir leik.
Lestu um leikinn: Ísland 3 - 0 Moldóva
Kolbeinn hefur verið gríðarlega óheppinn með meiðsli undanfarin ár og var þetta fyrsti byrjunarliðsleikur hans með landsliðinu síðan gegn Frakklandi á Evrópumótinu 2016. Kolbeinn segist vera á réttri leið í endurkomunni.
„Standið er að verða betra og betra. Ég er búinn að vera síðustu mánuði að spila 60 mínútur og ekki að pressa á mig að spila meira og þreyta mig of mikið."
Ísland hefur unnið fjóra af fimm fyrstu leikjum sínum í riðlinum og skella sér á toppinn með sigrinum í dag. Frakkland og Tyrkland geta bæði jafnað Ísland af stigum sigri þau leiki sína í kvöld.
„Þetta var ákveðinn skyldusigur hérna í dag og við erum á fínu rönni. Nú þurfum við að taka sigur gegn Albönum til að hanga í toppnum. Annars gætum við hellst úr lestinni." sagði Kolbeinn að lokum en Ísland heimsækir Albaníu næstkomandi þriðjudag.
Nánar er rætt við Kolbein í spilaranum að ofan.
