„Ef þetta snerist bara um okkur þá myndi ég gefa þér tölu en ég get ekki gert það núna," sagði Erik Hamren, landsliðsþjálfari, þegar hann var beðinn um að gefa líkur á því á skalanum 1-10 hvort Ísland komist beint á EM næsta sumar.

Hamren tilkynnti í dag hóp Ísland fyrir leikina gegn Tyrklandi og Moldóvu. Ísland þarf að vinna báða leikina og treysta á að Tyrkland misstígi sig gegn Andorra í lokaumferðinni til að komast á EM á næsta ári. Ef það tekst ekki mun Ísland fara í umspil um sæti á EM í mars.

Mikael Neville Anderson hefur gert góða hluti með U21 árs landsliðinu og toppliði Midtyjlland í Danmörku. Hann fær tækifærið í A-landsliðinu í komandi leikjum en fleiri leikmenn í U21 liðinu eru að banka á dyrnar.

„Við vorum til dæmis með Jón Dag með okkur í Katar í janúar. Hann er líka mjög áhugaverður leikmaður. Hann var líka í huga mínum fyrir þessa leiki. Hann gæti orðið mjög góður leikmaður. Mikael hefur spilað mjög vel, sérstaklega með Midtjylland sem er á toppnum í Danmörku," sagði Hamren.

Hér að ofan má sjá viðtalið í heild sinni en þar ræðir hann meðal annars um meiðsli leikmanna og hávaðann sem verður í leiknum gegn Tyrkjum í Istanbul í næstu viku.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit