Lestu um leikinn: Valur 1 -  1 Breiðablik

Það er alveg hægt að færa rök fyrir því að þetta sé rétt hjá honum því Valur er með sex stiga forskot er þrjár umferðir eru eftir.

Valur, sem hefur aðeins tapað einum leik í sumar, á eftir útileiki gegn Aftureldingu og ÍBV og heimaleik gegn Selfossi. Það er ansi lítill möguleiki á því að titillinn endi annars staðar en á Hlíðarenda.

Þó að titilbaráttan sé ekki mjög spennandi þá er spennandi barátta á öðrum vígstöðum í deildinni.

Meistaradeildarbaráttan
Barátta Stjörnunnar og Breiðabliks um annað sætið - sem veitir þátttökurétt í Meistaradeildinni - er mjög spennandi en það munar aðeins tveimur stigum á liðunum. Þróttur er þremur stigum á eftir Stjörnunni en miðað við það hvernig þær hafa verið að spila að undanförnu þá er svo gott sem hægt að útiloka þær úr Meistaradeildarbaráttunni.

Fallbaráttan
Einnig er spennandi að sjá hvaða lið munu fara niður. KR er í ansi vondum málum eftir tap gegn Aftureldingu en það er þéttur pakki fyrir ofan þar sem Afturelding er að berjast við Þór/KA og Keflavík. Þór/KA á leik við ÍBV á eftir.

Það er ljóst að FH og Tindastóll munu koma upp en hvaða lið fara niður í staðinn? Það á eftir að koma í ljós í síðustu þremur umferðunum.

Hér fyrir neðan má sjá stigatöfluna í deildinni.