Pétur Pétursson, þjálfari Vals, var gríðarlega sáttur eftir 3-0 sigur gegn Þór/KA á Þórsvelli í dag.

„Mér fannst bara landsliðið spila frábærlega í dag, nei ég meina Valsliðið." sagði Pétur á léttu nótunum eftir leik og er hann þar að vitna í ummæli Donna, þjálfara Þór/KA, fyrir leikinn.

Lestu um leikinn: Þór/KA 0 -  3 Valur

Þessi lið mættust í 8-liða úrslitum Mjólkurbikarsins fyrr í sumar þar sem að Þór/KA fór með 3-2 sigur og er það jafnframt eini tapleikur Vals í sumar.

„Ég held að það sé ansi langt síðan að Valur vann leik gegn Þór/KA. Þannig að það var kominn tími til að landsliðið myndi koma hingað og vinna."

Leikurinn var gríðarlega jafn þótt að úrslitin gefi það ekki til kynna en Valur varðist vel og stóð vel af sér pressuna.

„Það er alltaf erfitt að koma hingað og spila á móti Þór/KA. Þær eru með hörkulið og eru vel skipulagðar og líkamlega sterkar. En annað markið drap þennan leik niður." sagði Pétur.

Nánar er rætt við Pétur í spilaranum að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit