„Mér fannst við góðir í dag og áttum sigurinn fyllilega skilið," sagði Sigurður Ragnar Eyjólfsson, þjálfari Keflavíkur, eftir 2-0 sigur á HK í Pepsi Max-deildinni.

„Ég hefði viljað skora fleiri mörk," bætti Siggi Raggi við.

Lestu um leikinn: Keflavík 2 -  0 HK

Keflavík spyrnti sér af botninum með þessum úrslitum. „Við spiluðum 'solid' varnarlega líka og héldum markinu okkar hreinu. Mér fannst við gera vel við tiltölulega erfiðar aðstæður."

Það var mikill vindur í Keflavík í kvöld; ekki í fyrsta sinn. „Auðvitað hafði það svolítil áhrif, en mér fannst bæði lið gera sitt besta að spila góðan fótbolta. Þetta var blanda af því að reyna að spila honum á jörðinni og senda hann inn fyrir. Þetta eru íslenskar aðstæður og leikmenn á Íslandi þurfa að geta höndlað þessar aðstæður."

Rúnar Þór Sigurgeirsson var ekki með í kvöld vegna meiðsla. Hann var aðeins stífur í náranum.

„Það er flott að sjá okkur aðeins ofar í töflunni. Við stefnum ofar... við höldum bara áfram. Það er fullt af leikjum framundan."

Hægt er að sjá allt viðtalið hér að ofan.

Tweet

Senda a Facebook Hafdu samband Senda frétt Prenta frétt Frétta leit