Viðræður AC Milan um Walker eru á lokastigi

Félagaskiptafréttamaðurinn Fabrizio Romano greinir frá því að viðræður AC Milan um að fá bakvörðinn Kyle Walker frá Manchester City séu á lokastigi.

Walker er 34 ára og hefur þegar gert munnlegt samkomulag við AC Milan.

Romano segir að Milan hafi rætt við City um að fá Walker lánaðan út tímabilið og ákvæði um að geta keypt hann í sumar.

Walker hefur ekki verið í leikmannahópi City í síðustu leikjum, á meðan verið er að ganga frá málum. Hann hefur ekki verið sannfærandi á tímabilinu og virðist aldurinn vera farinn að segja til sín.

AC Milan er í áttunda sæti ítölsku A-deildarinnar.