Alfreð Elías Jóhannsson, þjálfari Selfoss, var svekktur eftir 1-1 jafntefli við Þór/KA í Pepsi Max deild kvenna í kvöld. Hann taldi að Selfyssingar hefðu átt að vinna leikinn.
„Mér finnst þetta tvö töpuð stig, með fullri virðingu fyrir Þór/KA. Mér fannst við vera betri aðilinn í leiknum en aftur á móti þá sköpum við voðalega lítið," sagði Alfreð eftir leikinn.
„Mér finnst þetta tvö töpuð stig, með fullri virðingu fyrir Þór/KA. Mér fannst við vera betri aðilinn í leiknum en aftur á móti þá sköpum við voðalega lítið," sagði Alfreð eftir leikinn.
Lestu um leikinn: Selfoss 1 - 1 Þór/KA
Leikurinn var nokkuð lokaður og áhorfendur á JÁVERK-vellinum væntanlega oft skemmt sér betur yfir fótboltaleik en í kvöld.
„Já klárlega, þetta var svolítið svona stöðubarátta á miðjunni. Mér fannst við 'controlla' leikinn vel og vorum að spila leikinn vel. Mér fannst við síðan gera enn betur þegar við breyttum aðeins um leikskipulag og bættum í sóknarþungann."
Alfreð tók Hólmfríði Magnúsdóttir útaf vellinum þegar rúmar tuttugu mínútur voru eftir af leiknum.
„Fríða er bara þreytt. Hún er ekki búin að vera að æfa 100% og er bara þreytt. Við fengum ferskar lappir inn."
Alfreð segir ekki tímabært að tala um einhversskonar toppbaráttu.
„Ef maður vinnur ekki á heimavelli þá er mjög erfitt að vera í einhverri toppbaráttu. Við þurfum númer 1,2 og 3 að hugsa um okkur. Við höfum alveg farið flatt á því að tala um einhverja toppbaráttu á Selfossi þannig við þurfum að einbeita okkur að okkur sjálfum," sagði Alfreð.
Alfreð var að lokum spurður út í markmannsmál liðsins en viðtalið við Alfreð má sjá í heild sinni hér að ofan.
Athugasemdir
