Grindavík gerði enn eitt jafnteflið í Pepsi Max deildinni þegar liðið sótti Breiðablik heim á Kópavogsvöll. Grindavík sem síðast vann deildarleik í lok maí hefur gert hvorki fleiri né færri en 8 jafntefli í 13 leikjum og eru eflaust orðnir langeygðir eftir sigri.

Lestu um leikinn: Breiðablik 0 -  0 Grindavík

„Ég er sáttur með úrslitin. Mér fannst við ekki góðir í fyrri hálfleik ekki líkir okkur„“ sjálfum. Rifum þetta aðeisn upp í hálfleik og reyndum að laga hluti en aðalmálið fannst mér að við mætum ekki með mikið sjálfstraust í fyrri hálfleik.“

Mikil harka einkenndi leikinn frá upphafi til enda og mikill hiti var i mönnum. Átti Tufa von á því?

„Já, miðað við úrslitin í gær þar sem KR gerir jafntefli þá vissi ég að Breiðablik myndu koma vel gíraðir í þennan leik til að halda sér í titilbaráttunni. Við erum að berjast fyrir lífi okkar í þessari deild þannig að ég bjóst við leiknum svona."

Grindavík hefur gengið illa að skora mörk í sumar eins og 8 mörk í 13 deildarleikjum vitna um. Hvað er hægt að gera til að liðið fari að skora mörk?

„Við erum bara að gera mikið í því. Erum að æfa mikið núna í að reyna laga sóknarleikinn og í fullt af þessum jafnteflisleikjum þá fengum við nóg af færum til að vinna þessa leiki.“

Sagði Tufa en allt viðtalið má sjá hér að ofan.