Silvestre kom til United frá Inter árið 1999 en það tók hann ekki langan tíma að koma sér vel fyrir í liðinu. Hann spilaði 361 leik og skoraði 10 mörk áður en hann yfirgaf félagið árið 2008.

Hann var partur af einu sigursælasta liði heims en hann ákvað að rifja upp atvikið fræga er Sir Alex Ferguson sparkaði fótboltaskó í andlitið á David Beckham.

„Ég var þarna. Það voru allir í sjokki en þetta getur gerst í búningsklefanum. Hann sparkaði í skóinn og óheppilegt að skórinn endaði í andlitinu á Beckham," sagði Silvestre.

„Hann var mjög reiður og við þurftum að aðskilja þá til að koma í veg fyrir slagsmál og svo var þetta búið. Þetta hafði áhrif á samband þeirra og stór ástæða fyrir því að David fór um sumarið til Real Madrid," sagði hann í lokin.