Kumi Yokoyama hefur stigið það hugrakka skref að koma opinberlega út sem trans maður.
Yokoyama er framherji Washington Spirit í Bandaríkjunum og hefur spilað 43 A-landsleiki með sterku kvennalandsliði Japan.
Yokoyama vill koma fram undir kynhlutlausu persónufornafni, það er að segja ekki "hann" eða "hún". Í grein USA Today segir að Yokoyama vilji nota persónufornöfnin "they/them" en á íslensku er orðið "hán" notað.
Hán segir að það að búa í Bandaríkjunum og Þýskalandi hafi hjálpað við að stíga fram opinberlega. „Í Japan var alltaf spurt hvort ég ætti kærasta, en hér (í Bandaríkjunum) er alltaf spurt hvort ég eigi kærasta eða kærustu," segir Yokoyama.
Yokoyama fór í brjóstnámsaðgerð við tvítugsaldur, en þegar fótboltaferlinum lýkur ætlar hán í frekari aðgerðir sem tengjast kynleiðréttingu.
Kumi uses they/them pronouns...and don't forget it!
— Washington Spirit (@WashSpirit) June 19, 2021
Athugasemdir