Arnar Gunnlaugsson, þjálfari Reykjavíkur Víkings, var í viðtali við Fótbolta.net eftir 4-0 sigur á Fram í lokaleik liðsins í Fótbolta.net mótinu. Öll fjögur mörkin komu í seinni hálfleik.

Arnar var spurður út í leik sinna manna og hvað hann hefði verið að prófa í leiknum. Þá var hann spurður út í atvik undir lok leiks þegar Atli Hrafn Andrason greip í treyju Andra Þórs Sólbergssonar þegar Andri var kominn framhjá Atla.

Andri lá eftir og kölluðu stuðningsmenn og þjálfarar Fram eftir rauða spjaldinu. Einar Ingi Jóhannsson gaf Atla gult spjald fyrir brotið.

„Ég upplifi þetta þannig að Atli hafi verið að stöðva sókn Fram. Atli reif í peysuna hans og Framarinn datt mjög illa. Frá mér séð er erfitt að segja að þetta hafi verið rautt spjald," sagði Arnar.

„Maður sér svona brot í hverri einustu viku. Þetta var bara óheppilegt. Að sjálfsögðu var hann að stoppa sóknna, svokallað 'professional foul', hann hefði kannski mátt vanda sig aðeins betur."

Hefði Arnar viljað fá rautt spjald ef brotið hefði verið á hans eigin leikmann? „Ég ætla vona að ég hefði verið nægilega rólegur og skynsamur til að skilja að þetta er bara gult en jú, að sjálfsögðu hefði ég viljað fá rautt," sagði Arnar og hló.

Nánar er rætt við Arnar í sjónvarpinu hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit