Fótbolti.net

Jökull: Endar ekki í efstu þremur nema hafa unnið fyrir því

Örvar tvöfaldaði markafjölda sinn: Ég var óheppinn þá

Höskuldur: Hefur verið geðshræringavika

Ólafur Ingi: Eins og þú sérð þá er þetta frábært lið

Pablo Punyed um framtíðina: Það kemur í ljós

Matti Villa: Geggjaður endir á frábæru tímabili og mínum ferli

Sölvi um Pablo og Matta Villa: Þetta eru algjörir sigurvegarar

Túfa um Val: Miðað við allt sem ég er búinn að gera á ég þetta ekki skilið

Aron Sig stendur við ummæli sín: Sjá allir að við erum að fara taka yfir

Elmar Atli sár og svekktur: Að taka þessa ákvörðun í þessari stöðu er óskiljanlegt

Var afskaplega drjúgur fyrir KR í úrslitaleikjunum

Luke Rae um hasarinn: Það var ekkert alvarlegt

Eiði Aroni fannst liðið gefast upp - „Ekki sjón að sjá okkur eftir bikartitilinn"

Tilfinningarnar báru Hrannar ofurliði

Óskar Hrafn: Skrifað í skýin að við fengjum þetta verkefni til að leysa

Björn Daníel leggur skóna á hilluna: Blóðið orðið svart og hvítt

Rúnar: Það mun vera í sögubókunum

Maggi: Opinn fyrir því að halda áfram

Lárus Orri: Ég vissi að það væri verið að gera góða hluti hérna á Akranesi

Heimir kveður FH: Frábært að enda þetta með honum

mán 03. febrúar 2025 16:08

Guðmundur Aðalsteinn Ásgeirsson
Viðtal

„Pældi bara í því sem var á borðinu og Víkingur var númer eitt"

Róbert Orri Þorkelsson.

Mynd: Fótbolti.net - Hafliði Breiðfjörð

Gekk í gær í raðir Víkinga.

Mynd: Víkingur

Róbert eftir leik með U21 landsliðinu.

Mynd: Fótbolti.net - Hafliði Breiðfjörð

„Tilfinningin er virkilega góð. Það eru hrikalega spennandi tímar framundan og mér líður mjög vel," segir Róbert Orri Þorkelsson sem er genginn í raðir Víkinga.

Róbert Orri er 22 ára gamall varnarmaður sem er alinn upp hjá Aftureldingu en hann spilaði með Breiðabliki í tvö ár áður en hann gekk til liðs við CF Montreal þar sem hann lék 21 leik í MLS deildinni frá 2021-2023.

02.02.2025 17:26

Róbert Orri til liðs við Víking (Staðfest)

Hann var síðan lánaður til Kongsvinger í næst efstu deild í Noregi. Róbert á fjóra A-landsleiki að baki og 23 landsleiki fyrir yngri landslið Íslands. Hann var fyrirliði U21 landsliðsins.

Samkvæmt heimildum Fótbolta.net þá stóð valið hjá honum á milli Vals og Víkings, en Breiðablik blandaði sér ekki mikið í baráttuna.

„Mér leist vel á Víkingana. Það hefur sýnt sig síðustu ár að þeir hafa verið að standa sig vel. Það eru spennandi leikir framundan í Evrópu. Það er allt spennandi í kringum liðið og sérstaklega með Sölva sem þjálfara og Kára þarna líka. Þeir ættu að geta kennt manni eitthvað sem fyrrverandi hafsentar. Ég held að ég geti lært mikið hérna til að verða betri leikmaður," segir Róbert.

Leist best á Víking
Planið var ekki að koma heim til Íslands en hann segir að það hafi verið best í stöðunni núna. Markmiðið er að fara aftur út í atvinnumennsku svo.

„Það voru einhver lið sem höfðu samband en mér leist best á Víking. Ég var ekkert að velja um Breiðablik, það kom ekki upp á borð hjá mér. Mér leist best á Víking, það er bara þannig."

Er svekkjandi að Breiðablik sé ekki að koma að borðinu?

„Nei, það eru engar vondar tilfinningar. Sumir telja einhverja aðra kosti vera betri og maður verður að virða það. Ég pældi bara í því sem var á borðinu og Víkingur var númer eitt."

Róbert er spenntur fyrir því að taka þátt í verkefninu sem er framundan með Víkingi.

„Þetta er mjög gott umhverfi svo ég geti bætt mig og gert vel. Ég er þvílíkt sáttur. Það er ekki langt í leiki gegn Panathinaikos sem er virkilega spennandi. Vonandi get ég tekið þátt og verið góður," segir Róbert Orri sem er hungraður í að gera vel á nýjum stað.

Allt viðtalið má sjá í spilaranum hér fyrir ofan.