Southampton hafnaði í dag öðru tilboði Everton í enska vængmanninn Tyler Dibling. Fréttastofa Sky Sports segir frá þessu í dag.
B-deildarfélagið hafnaði 27 milljóna punda tilboði Everton fyrir fjórum dögum og hækkuðu þeir bláu tilboð sitt töluvert.
Sky segir að annað tilboðið hafi hljóðað upp á 43 milljónir punda, þar af 8 milljónir í árangurstengdar greiðslur, en Southampton hafnaði því og krefst þess að fá í kringum 45 milljónir fyrir leikmanninn.
Það er óráðið hvort Everton muni leggja fram þriðja tilboðið, en Dibling er eftirsóttur leikmaður og einn af ljósu punktunum í annars hörmulegu liði Southampton á síðustu leiktíð.
Dibling, sem er 19 ára gamall, kom við sögu í 34 leikjum með Southampton í öllum keppnum á síðasta tímabili og skoraði fjögur mörk ásamt því að leggja upp þrjú.
Athugasemdir
