Tufa, aðstoðarþjálfari Vals var gríðarlega sáttur með sigur sinna manna gegn Gróttu fyrr í kvöld.
Valsmenn tóku á móti Gróttu á Hlíðarenda í Pepsi Max deildinni og unnu sannfærandi 6-0 sigur.
Valsmenn tóku á móti Gróttu á Hlíðarenda í Pepsi Max deildinni og unnu sannfærandi 6-0 sigur.
Lestu um leikinn: Valur 6 - 0 Grótta
„Þetta var stór sigur, flott mörk sem við vorum að skora, ánægður með þrjú stig og ánægður með að halda hreinu. Það voru samt kaflar í fyrri hálfleik og í byrjun seinni þar sem við vorum sloppy og hleypum eiginlega Gróttu inn í leikinn aftur, þannig við viljum laga þá hluti.''
„Grótta er gott lið með skemmtilega stráka, Gústi Gylfa og Gummi Steinars eru að gera góða hluti með þetta lið, Grótta er búið að taka stig í Vesturbæ og Garðabæ þannig við undirbjuggum okkur vel í þetta.''
Aron Bjarna og Patrick Pedersen eru í fanta formi, það virðist fátt stoppa þá fyllyrðir Anton Freyr Jónsson, fréttaritari.
„Þú spurðir mig líka síðast um þessa gæja, þeir eru að standa sig hrikalega vel en mér fannst vörnin líka flott í dag með Hannes fyrir aftan, liðið snýst um liðið hjá okkur, alla leikmenn sem spila og koma inná líka.''
Má segja að Valsmenn séu komnir með fleiri fingur á titilinn en þegar Anton og Tufa ræddu saman síðast?
,,Já en ég er samt góður í stærðfræði og stærðfræði segir að það séu fjórir leikir eftir og 12 stig í pottinum.''
Viðtalið í heild sinni má sjá í spilaranum hér að ofan.
Athugasemdir
