'Það er tólfti maðurinn og skiptir gríðarlega miklu máli'
Þetta var tilfinningarússíbani að fá svo að heyra að ég gæti allt í einu farið á æfingu á morgun
„Ég er virkilega sárt, 3-0 virkilega sterkt hérna á heimavelli. Við ætluðum okkur að byrja sterkt og hafa þetta í okkar höndum og við gerðum það svo sannarlega," sagði vinstri bakvörðurinn Sædís Rún Heiðarsdóttir við Fótbolta.net eftir sigurinn gegn Póllandi á Kópavogsvelli í dag.
Undankeppni EM hófst í dag og glæsilegur sigur Íslands staðreynd gegn Póllandi.
Undankeppni EM hófst í dag og glæsilegur sigur Íslands staðreynd gegn Póllandi.
04.04.2024 12:55
Breyting á hópnum daginn fyrir leik - „Kom í ljós að það er í raun ekkert að henni"
Lestu um leikinn: Ísland 3 - 0 Pólland
Pólverjar fengu þó fyrsta færið og varði Fanney Inga Birkisdóttir fyrst frábærlega og svo fót boltinn í þverslána.
„Þær fengu sín færi en ég vissi að við myndum fá okkar færi líka. Þetta snerist um að koma boltanum í netið og við gerðum það. Það er virkilega gott að hafa Fanney í markinu."
„Það var geðveikt (að spila fyrir framan uppselda stúku. Það er alltaf gott að spila á heimavelli, frábært að fólk sjái sér fært að mæta á völlinn. Það er tólfti maðurinn og skiptir gríðarlega miklu máli."
Sædís notaði orðið rússíbani til að lýsa síðustu dögum sínum fyrir leikinn. Hún var valin í landsliðshópinn, svo var búið að kalla inn leikmann inn í hennar stað vegna meiðsla, en svo kom í ljós að hún gat spilað eftir allt saman og kom aftur inn í hópinn fyrir æfinguna í gær.
„Þetta hefur verið virkilega skrítið. MRI niðurstaðan tók of langan tíma, eftir ómskoðun er lesið vitlaust úr myndunum eða haldið að þetta væri eitthvað annað en þetta var síðan. Ég fékk að fara í myndatöku á Íslandi, fékk að fara í hana fyrr en hefði ég fengið úti. Það kom annað út úr þeirri myndatöku og ég er virkilega sátt og niðurstöðurnar voru betri en ég þorði að vona. Það var högg í andlitið að fá fyrst þær fréttir að ég gæti ekki tekið þátt. Þetta var tilfinningarússíbani að fá svo að heyra að ég gæti allt í einu farið á æfingu á morgun. Ég fagnaði því."
„Við erum með virkilega gott læknateymi og sjúkraþjálfara sem fengu myndirnar. Þær sögðu mér niðurstöðurnar. Út frá því frétti teymið það og komist að þeirri niðurstöðu að ég kæmi aftur inn í hópinn."
„Mér fannst ég fljót að koma mér inn í planið, þetta var frekar einfalt. Verst var að maður tók ekki með sér takkaskóna og legghlífarnar en það var bara farið inn í bílskúr og fundið einhverja gamla takkaskó sem ég átti frá síðasta sumri og Bergúlfur reddaði mér legghlífum."
„Það kom mér alveg á óvart að byrja leikinn fyrst ég náði bara æfingu daginn fyrir leik. Ég er virkilega þakklát fyrir traustið," sagði Sædís. Viðtalið má sjá í heild sinni í spilaranum efst.
