Zidane brjálaður eftir leik - „Þú þarft að útskýra reglurnar fyrir mér"

Sevilla fékk vítaspyrnu þegar Eder Militao, varnarmaður Real, gerðist brotlegur inn á eigin vítateig en Zidane vill meina að Joan Jordan, leikmaður Sevilla, hefði gert nákvæmlega það sama inn á vítateig Sevilla fyrr í leiknum.

Vítaspyrnudómurinn var mjög svekkjandi fyrir Real því dómari leiksins dæmdi fyrst víti á Bono, markvörð Sevilla. VAR var að skoða atvik inn á vítateig Real skömmu áður og niðurstaðan var sú að Militao hafði fengið boltann í höndina áður en Real fór fram í sókn.

Ivan Rakitic skoraði úr vítaspyrnunni fyrir Sevilla og kom þeim í 2-1 áður en Eden Hazard jafnaði leikinn seint í uppbótartíma.

„Ég ræddi við dómarann og bað um útskýringu. Hann sagði að þetta væri hendi á Militao en hitt hafi ekki verið hendi. Mér líkar ekki sérstaklega vel við að tala um dómarana en í dag líður mér ekki vel. Ef það er hendi inn á vítateig þá verðuru að dæma það báðu megin. Leikurinn er búinn en í dag getum við verið pirraðir. Ég skil þetta engan veginn. Það hlýtur að vera víti á Sevilla ef það var hendi á Militao. Það sem er mest pirrandi er að við getum rætt þetta núna en þetta mun ekki vera skoðað. Svona er raunveruleikinn," sagði Zidane.

Atvikin má sjá hér að neðan.

Better look at the crucial penalty disallowed by VAR when it came to Real Madrid pic.twitter.com/Uolya27jka

— 🐉 (@kroosnaldoo) May 9, 2021