ÍBV fór í heimsókn á Meistaravelli fyrr í dag. Leikar enduðu 1-1 en Eyjamenn sýndu mikla yfirburði. Oliver Heiðarsson leikmaður ÍBV mætti í viðtal eftir leik.
Lestu um leikinn: KR 1 - 1 ÍBV
„Þetta er svolítið svekkjandi, mér fannst við vera betri aðilinn í leiknum. Við bara náðum ekki að koma boltanum yfir línuna fyrr en á 90. mínútu.
KR skoraði fyrsta mark leiksins óvænt.
„Já þetta var skellur, við vorum ekki að búast við þessu en við erum örugglega besta liðið í deildinni að koma til baka eftir smá skell. "
Oliver var mikið í færum í dag.
„Ég er ógeðslega svekktur með að hafa ekki skorað. Þetta var bara mjög svipað og í síðasta leik. Ég fékk þrjú færi þar líka og klúðraði þeim öllum, alveg eins í dag boltinn vildi ekki fara inn."
Viðtalið má sjá í heild sinni í spilaranum hér að ofan.
Athugasemdir
