Gylfi Þór Sigurðsson var svekktur eftir 0-1 tap gegn Frökkum í undankeppni EM 2020 í kvöld. Gylfi spilaði allar níutíu mínúturnar á miðjunni hjá Íslandi.

Olivier Giroud skoraði eina mark leiksins úr vítaspyrnu í síðari hálfleik.

Lestu um leikinn: Ísland 0 -  1 Frakkland

„Jú, þetta er bara gríðarlega svekkjandi. Mér fannst við verjast mjög vel í fyrri hálfleik, auðvitað vorum við lítið með boltann en þeir voru ekki að skapa sér neitt mikið. Þetta opnast eftir að þeir skora úr vítinu," sagði Gylfi Þór.

„Mér fannst dómarinn sýna þeim mjög mikla virðingu. Mér fannst mikið af „soft" brotum detta þeirra megin og svo vorum við kannski ekki að fá það sama frá honum," sagði Gylfi um dómara leiksins.

„Við vorum að verjast það djúpt að það var erfitt að fara að spila boltanum þegar við loksins komumst út úr þessu. Við hefðum átt að nýta skyndisóknirnar aðeins betur."

Staðan í riðlinum er snúin eftir úrslit kvöldsins. Þrátt fyrir það getur allt gerst í riðilinum. Ísland mætir Andorra hér á Laugardalsvelli á mánudag.

„Við þurfum að vinna síðustu þrjá leikina og það er markmiðið að gera það. Leikurinn gegn Andorra leggst bara vel í mig," sagði Gylfi að lokum.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit