Það sauð allt upp úr í lok leiks en vítaspyrnudómurinn þótti umdeildur. Varnarmaður Al Arabi virtist þá tækla í knöttinn en dómarinn ráðfærði sig við VAR og dæmdi vítaspyrnu sem batt enda á sigurgöngu Al Arabi.

Heimir Hallgrímsson, þjálfari Al Arabi, var langt því frá að vera sáttur með þessa niðurstöðu og var mjög reiður þegar lokaflautið gall.

Hann reifst við Jonathan Kodjia, leikmann Al-Gharfa og þurfti að ýta þeim tveimur í sundur af leikmönnum liðanna.

Í kjölfarið labbaði Heimir áfram og í átt að dómara leiksins sem rétti út höndina og ætlaði að þakka Heimi fyrir leikinn. Heimir hunsaði dómarann og labbaði framhjá honum. Það virtist koma dómaranum á óvart sem horfði á eftir Heimi.

Heimir labbaði þá og klappaði fyrir stuðningsmönnunum. Þetta atvik og vítaspyrnudóminn umdeilda má sjá hér fyrir neðan.