„Eyðum ekki 25 milljónum punda fyrir leikmann á bekknum"

Oliver Glasner, stjóri Crystal Palace, tjáði sig í dag um þá Eddie Nketiah og Trevoh Chalobah sem komu til Palace í félagaskiptaglugganum. Hann sagði frá því að Chalobah væri meiddur en að Nketiah væri klár í að byrja gegn Leicester á morgun.

Chalobah fór á láni til Crystal Palace frá Chelsea á lokadegi félagaskiptagluggans. Hann var til viðtals í vikunni og sagðist varnarmaðurinn vera hæstánægður með fystu dagana á Selhurst Park.

„Ég hef upplifað mig velkominn alveg frá því að ég kom. Þetta hefur verið stórkostlegt. Ég hef spilað í úrvalsdeildinni í þrjú ár, er með reynslu og vil hjálpa liðinu. Ég er spenntur fyrir tímabilinu og held að við getum gert flotta hluti," sagði Chalobah.

Hann vonaðist eftir því að spila sinn fyrsta leik gegn Leicester á morgun.