Topplið Hauka fengu suðurnesjamennina frá Njarðvík í heimsókn í kvöld þegar Íslandsmótið fékk grænt ljós á að byrja aftur. Báðum þessum liðum hefur verið spáð góðu gengi í sumar og baráttu um að komast upp í Lengjudeildina að ári og því mátti búast við hörku leik þegar þau mættust í kvöld. Haukar voru fyrir umferðina í toppsæti deildarinnar á meðan Njarðvíkingar sátu í því fjórða.

Lestu um leikinn: Haukar 1 -  2 Njarðvík

Haukar urðu að lúta í lægra hald fyrir gestunum úr Njarðvík en Igor Bjarni Kostic þjálfari Hauka var ekki sáttur með lokamínúturnar frá sínum mönnum.
„ Ógeðslega svekktur, enn og aftur finnst mér við skjóta okkur í fótinn með hvernig við hegðum okkur síðustu 15-20 mínúturnar og hversu passívir við erum og hversu mikið við hleypum Njarðvík inn í leikinn og nálægt markinu okkar og fúlt að tapa þessu og mér fannst við alveg eiga stigið skilið." Sagði Igor Bjarni Kostic eftir leik.

Eftir frekar jafnan leik framan af þá voru lokamínúturnar í leiknum vægast sagt umdeildar en Haukar misstu 2 menn af velli og fengu dæmt á sig víti sem Njarðvíkingar enduðu á að sigra leikinn úr.
„Ég sá ekki hendina sem hann dæmdi á í vítaspyrnunni en Þórður segir þó að hann hafi fengið hann í hendina en þá er það er alveg ótrúlega merkileg ákvörðun hjá honum að hafa ekki flautað á það þegar varnarmaðurinn blokkar skot inni í teig hjá Njarðvík og fær hann í hendina og hann var eini maðurinn þarna í kringum boltann og augljóst að hann hafi farið í hendina á honum þannig að dómarinn á alveg sinn skerf í þessu og hann verður að taka það á sig, því miður." 

„Fengum 2 rauð spjöld sem er mjög svekkjandi vegna þess að þar fór aginn út um gluggan og það eru tveir leikmenn sem byrjuðu leikinn í dag sem geta ekki spilað í næsta leik. Þórður fær rautt spjald þar sem hann fær hann þarna í hendina en hvað Sigurjón gerir er frekar óásættanlegt." 

Allt viðtalið má sjá í spilaranum hér fyrir ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit