Bryan Mbeumo í leik gegn Man Utd.
Núna er vel liðið á sumarið og viðræður Manchester United um Bryan Mbeumo þokast hægt áfram.
David Ornstein, sá virti fjölmiðlamaður, segir að það sé enn frekar langt á milli Man Utd og Brentford í viðræðum um þennan öfluga leikmann.
David Ornstein, sá virti fjölmiðlamaður, segir að það sé enn frekar langt á milli Man Utd og Brentford í viðræðum um þennan öfluga leikmann.
Það séu enn nokkrar milljónir punda á milli félaganna sem hafa núna rætt um möguleg félagaskipti leikmannsins í nokkrar vikur.
Það hefur lítið verið að frétta af þessari sögu síðustu vikur og skiptin eru ekki að fara að eiga sér stað strax, þó viðræður haldi áfram.
Mbeumo, sem er 25 ára, vill bara fara til Manchester United þótt það sé áhugi á honum frá öðrum félögum. Á síðasta tímabili gerði hann 20 mörk í 38 leikjum í ensku úrvalsdeildinni.
Athugasemdir
