Glódís Perla Viggósdóttir.
Glódís Perla Viggósdóttir hefur fengið mikið lof að undanförnu enda hefur hún farið stórkostlega af stað með Rosengård í Svíþjóð.
Glódís kom nýverið heim til Íslands og spilaði tvo landsleiki gegn Írlandi. Hún var frábær í hjarta varnarinnar í báðum leikjunum gegn Írum.
„Hún er svo yfirveguð, hún er með mjög góða yfirsýn þegar hún er með boltann, hún les leikinn, staðsetningar... þetta er einn besti miðvörður Evrópu - ég held að það sé klárt," sagði Sæbjörn Steinke í Heimavellinum.
„Maður man ekki eftir því hvenær hún átti 'off' leik síðast," sagði Mist Rúnarsdóttir.
„Þetta er leikmaður sem alltaf er hægt að treysta á að sé með góða frammistöðu," sagði Aníta Lísa Svansdóttir.
Hægt er að hlusta á Heimavöllinn í heild sinni hér að neðan þar sem er rætt meira um landsleikina gegn Írlandi.
Athugasemdir
