Helgi Valur í leik með Fylki.
Helgi Valur Daníelsson gerði annað mark Fylkis þegar liðið lagði Víking að velli í lokaleik 20. umferðar Pepsi Max-deildarinnar í kvöld.
Lestu um leikinn: Fylkir 3 - 1 Víkingur R.
Með 3-1 sigrinum í kvöld komst Fylkir upp í fimmta sæti Pepsi Max-deildarinnar með 28 stig. Tæknilega séð á liðið enn möguleika á Evrópusæti, það eru sex stig í það og tvær umferðir eftir.
„Það er auðvitað gott tækifæri fyrir okkur að ná okkar markmiðum. Við töluðum um að vera í Evrópubaráttu, þó það sé kannski erfitt núna þá er fimmta sætið frábært þegar tveir leikir eru eftir. Við eigum tvo leiki eftir sem við viljum vinna."
Víkingur vann úrslitaleik bikarsins og því fer liðið í fjórða sæti ekki í Evrópukeppni.
„Maður vonaði kannski að FH myndi vinna til að eiga þennan möguleika. Það er draumur allra hérna að komast aftur í Evrópu, það er orðið langt síðan síðast. Nú er það bara að klára mótið með stæl og gera betur en í fyrra. Mér finnst við vera á réttri leið."
„Við vorum í smá basli í byrjun seinni hálfleiks í kvöld. Í fyrri hálfleik gekk pressan mjög vel upp hjá okkur, þó svo að við höfum ekki verið að spila mikinn fótbolta - stuttar sendingar og svoleiðis. Pressan var að virka og við náðum að koma honum fram hratt. Við hefðum örugglega getað skorað 3-4 mörk í fyrri hálfleik. Í seinni datt þetta aðeins niður, en við erum oft sterkir í lok leikja."
Viðtalið við hann er í heild sinni hér að ofan.
Athugasemdir
