„Þetta er mjög mikilvægt skref hjá okkur að klára þennan leik í dag eftir langa pásu, þannig að gríðarlega miklvægt og sætt að landa þessum þremur stigum," sagði Eysteinn Húni Hauksson, annar af þjálfurum Keflavíkur, eftir sigur liðsins á Leikni fyrr í kvöld.
Lestu um leikinn: Keflavík 1 - 0 Leiknir R.
Magnús Þór Magnússon fyrirliði Keflavíkur átti góðan leik í kvöld en fyrirliðinn hefur verið að glíma við meiðsli undanfarið ár og virðist óðum vera að nálgast sitt gamla form.
„Já hann er að gera það. hann hefur átt aðeins erfitt með heilsuna og við vitum alveg hvaða karakter Maggi er og það er ástæða fyrir því að hann er fyrirliði. Og það verður aðeins að minnast á það að Sævar Atli sem er auðvitað frábær leikmaður komst lítið áleiðis.“
Annar leikmaður í Keflavíkurliðinu sem virðist vera að finna sitt gamla form er framherjinn Joey Gibbs sem hefur verið að finna netmöskvanna að undanförnu og er kominn með 5 mörk í deildinni það sem af er.
„Það er bara svipað og í fyrra. Hann fór ekkert alveg strax í gang og var búinn að vera hjá okkur í dálítin tíma áður og menn farnir að efast um að hann væri það sem við vonuðumst eftir en vonandi verður bara sama þróun og í fyrra og hann bara heldur áfram.“
Sagði Eysteinn en allt viðtalið má sjá hér að ofan.
Athugasemdir