Damir Muminovic.
Eins og fyrr hefur komið fram hér á síðunni þá sungu stuðningsmenn HK mjög ljóta söngva um Damir Muminovic, varnarmann Breiðabliks í leik liðanna í Mjólkurbikarnum í kvöld.
Lestu um leikinn: HK 0 - 1 Breiðablik
Stemningin var stórkostleg í Kórnum en hegðun hjá hópi af stuðningsmönnum HK var óboðleg.
Lena María Árnadóttir, barnsmóðir Damirs, var í stúkunni í kvöld með syni þeirra. Sem betur fer er hann það ungur að hann skilur ekki hvað sungið var um í kvöld.
„Fjögurra ára Andrinn okkar er á vellinum að horfa á pabba sinn sem hann lítur mjög upp til. Sem betur fer skilur hann ekki hvað verið er að syngja um hann en þetta er ógeðslega ljótt og á ekki heima neins staðar," skrifar Lena María.
HK hefur sent frá sér afsökunarbeiðni en það er vonandi að það fylgi þessu einhverjar aðgerðir frá KSÍ og HK - því svona hegðun hjá stuðningsfólki á fótboltaleikjum er ekki boðleg.
Sjá einnig:
Kyrja mjög ljóta söngva um Damir aftur og aftur
Ísak Snær segir hóp ungra HK-inga hafa ráðist á systur sínar
4 ára Andrinn okkar er á vellinum að horfa á pabba sinn sem hann lýtur mjög upp til. Sem betur fer skilur hann ekki hvað verið er að syngja um hann en þetta er ógeðslega ljótt og á ekki heima neinsstaðar. pic.twitter.com/STdk5AkdgJ
— Lena María (@lenamariaar) August 19, 2022
Athugasemdir
