„Ofboðslega ánægður. Góður sigur og erfitt að koma hérna. Stutt síðan að við spiluðum síðast og menn voru pínu laskaðir, geggjuð þrjú stig,'' sagði Sigurður Heiðar Höskuldsson eftir 0-1 sigur Leiknis R. á Magna í Lengjudeild karla í dag. Með sigrinum komast Breiðhyltingar í toppsæti deildarinnar, allavega um stundarsakir.

Lestu um leikinn: Magni 0 -  1 Leiknir R.

Leiknisliðið var talsvert meira með boltann og náðu að skapa sér þónokkuð af marktækifærum, en eina mark leiksins kom úr vítaspyrnu sem Vuk Oskar Dimitrijevic fiskaði seint í fyrri hálfleik.

„Við fengum rosalega mörg færi í dag. Mér fannst við geggjaðir í fyrri hálfleik, fullt af sénsum. Pínu svekkjandi að hafa ekki unnið þetta stærra og að vera búnir að loka þessu fyrr.''

Aðspurður um vítaspyrnudóminn sagði Sigurður að um klára vítaspyrnu væri að ræða.

„Já, Vuk var bara rifinn niður. Mér fannst það bara augljóst víti og hann átti að vera búinn að fá annað víti fyrr í leiknum. Mjög kærkomið að fá loksins víti, því að við höfum ekki fengið margar vítaspyrnur í sumar, þrátt fyrir að eiga nokkuð margar skilið finnst mér.''

Viðtalið má sjá í heild sinni í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit