Rio Ferdinand hrósar franska miðjumanninum Paul Pogba í hástert en hann skoraði glæsilegt sigurmark Manchester United gegn Fulham í gærkvöldi.
Fyrr í þessum mánuði tryggði Pogba sigur gegn Burnley en hann hefur verið í miklu stuði að undanförnu.
Fyrr í þessum mánuði tryggði Pogba sigur gegn Burnley en hann hefur verið í miklu stuði að undanförnu.
„Þetta var stórskostleg frammistaða hjá Pogba (gegn Fulham). Stóri munurinn á honum er að hann er að framkvæma hlutina hraðar. Hann er snöggur í því sem hann gerir. Skilvirknin kemur úr efstu skúffu," segir Ferdinand.
„Hann er magnaður leikmaður og þegar hann er í stuði þá er hann einn af þeim bestu í heiminum."
Ole Gunnar Solskjær, stjóri United, hrósaði einnig Frakkanum en United trónir nú á toppi deildarinnar.
„Hann (Pogba) hefur staðið sig mjög vel. Hann er í góði formi og hann getur spilað á miðju sem og á kanti. Það er lykilatriði með Paul að hann sé í formi, í leikformi og hlaupaformi, og hann er það í augnablikinu. Hann spilaði mjög vel," sagði Solskjær eftir leikinn í gær.
Athugasemdir