Bræðurnir áttu báðir farsæla ferla. Kolo spilaði lengst af með Arsenal, en var einnig á mála hjá Manchester City, Liverpool og Celtic. Í dag er hann í þjálfaraliði Leicester.

Yaya var síðast hjá Qingdao Huanghai í Kína, en hann er goðsögn hjá Manchester City eftir að hafa leikið þar frá 2010 til 2018.

Í viðtali við Daily Mail sagði Kolo: „Yaya var betri leikmaður en ég. Ég er með meira keppnisskap en hann. Hann er hæfileikaríkari. Ég var betri hlaupari og ég var með meira vinnuframlag."

„Ef Yaya hefði mitt vinnuframlag, með hans hæfileika þá hefði hann unnið Ballon d'Or."

Ballon d'Or verðlaunin eru veitt besta leikmanni heims ár hvert. Lionel Messi er núverandi handhafi verðlaunanna.