Arnar var í ágætis skapi eftir 0-0 jafntefli gegn FH í Kaplakrika fyrr í kvöld. Leikurinn var frekar tíðindalítill og jafnteflið sanngjarnt þegar upp var staðið en KA lokaði vel á sóknaraðgerðir heimamanna.
Lestu um leikinn: FH 0 - 0 KA
„Ég held að við getum alveg verið sáttir við stigið, mér finnst við hafa mátt gera meira frammávið en svona heilt yfir vörðumst við helvíti vel sem lið og gáfum FH mjög fá færi á okkur.''
„Við fengum besta færið í fyrri hálfleik þar sem við fengum opinn skalla, komum okkur oft í góðar stöður en FH var mun meira með boltann án þess að skapa sér mikið af færum.''
KA spilaði þéttan og góðan varnarleik í 4-1-4-1 leikkerfi, er það eitthvað sem koma skal hjá KA undir stjórn Arnars?
„Það fyrsta í þessu er að verjast vel og fá ekki á sig mark, þá er miklu auðveldara að vinna fótboltaleiki. Ég hef nú kannski verið þekktari fyrir það hingað til að vilja halda boltanum og spila fótbolta en við tökum þetta skref fyrir skref.''
Viðtalið í heild sinni má sjá í spilaranum hér að ofan en þar talar Arnar betur um leikinn, stöðuna á liðinu og framhaldið.
Athugasemdir